INGREDIENTES
6 ovos
2 vasos de fariña de trigo tamizada
2 vasos de azucre branco
1 vaso de zume de laranxa
1/2 vaso de aceite de xirasol
1 sobre de levedura química
ELABORACIÓN
Para facer este postre precísase un molde que non sexa antiadherente xa que deberemos darlle a volta cando o saquemos do forno e si o mode é antiadherente corremos o risco de que caia. Tampouco podemos untar o molde polo mesmo motivo.
Preparar todos os ingredientes menos os ovos. Acender o forno a 200ºC, con calor arriba e abaixo. Mentras quece o forno separar as claras das iemas e bater as claras a punto de neve. Engadir, por este orde, sen parar de bater, o azucre, as iemas, o zume, o aceite, a fariña e por último a levedura.
Meter no forno pero cambiando a fonte de calor de modo que este saia só pola parte de abaixo, coa mesma temperatura de 200º. Deixar así durante 15 minutos. Logo baixar a 150º e manter uns 30 minutos máis. Comprobar cunha agulla se está cocido. Sacar e dar a volta ao molde sobre unha taza boca abaixo. Deste xeito evitamos que se nos aplaste.
Cando estea frío, sacar do molde coa axuda dunha lingua de silicona.
E a comer. Cando faga un xa sacarei unha foto, pero asegúrovos que é delicioso.
RECEITA APORTADA POR ISABEL PÉREZ GARCÍA
